كلمات انشودة ملينا

ملينا
و زهقنا
و طفشنا
شو هالحالة

لا شغلة
ولا عملة
ولا فكرة
بباله و بالي

--

والله دنيا و ذكرتوني
لما كنت بنفس العمر
زهقان و دبلانة عيوني
وولا شي عاجب أبو البر

هلأ عم بتمنى لحظة
إفضى و روّق فيها والله
الفراغ و جنبه الصحة
شو إنهم نعمة من الله

--

عارف إنكم عم بتدورو
على شي للوقت يسلّي
بس إوعو الشيطان و شرّو
يدلكم على درب الزلة

لا تجرب دخان و شيشة
و رفيق السوء ابعد عنه
لو تمرض و تسودّ العيشة
شو اللي كسبته إنت منه

--

للرياضة عنا مراكز
في هالبلد بكل مكان
ولو إيمانك ناوي تركّز
محلاها نوادي القرآن

أهلك برضو بيحتاجولك
في البيت و فيك تساعدهم
هالنصايح لو راقولك
رح تنسى الزهق و تنسى الهم

--

شكرا يا عمو برو
ما نحرم صوتك و أجرو

وااااااو انا كتيييييير بحب هاي الانشوده كتتتير يسلمو حبي تؤبريني

تئبلي طلتي ؟؟؟!!!

الله يسلمك من كل شر
منووووووووره

استممري..لاهنتي
ولاتحرمينا من طله يديدج
الله يعطيج العافيهه

تقبلي مروري